மனிதன் - விலங்கு

மதமுமின்றி மொழியுமின்றி

உண்ணுவதும் உறங்குவதும்

இனம் பெருக்குவதுமாய்

இயற்கையுடன் இயற்கையாய்

தொற்றியது பயம்

பயமெல்லாம் பக்தியாக

கூட்டமாய் ஒதுங்கிட

மொழியது தேவையாயிற்று

பஞ்சபூதங்களும் கடவுளாகின

மெல்ல சமூக விலங்காக!

அதுவரை இயற்கையுடன் 

இசமாய் இன்பமயம்

அவன் அவள் அவர்கள்

இவன் இவள் இவர்கள்

நான்?

பெயர்வைத்தேன் 

வழிபட விதிமுறைகள் பல

தொழில்கள் பல பல

உருவாகின சாதிகள் பல பல

ஏற்ற தாழ்வுடன்

நாங்கள்?

ஒற்றுமையில் வேற்றுமை

தொலைந்தது நிம்மதி

பெருகினர் (ஆ)சாமிகள்

தென்னாடுடைய சிவனே போற்றி

என்னாட்டவர்க்கும் 

இறைவா போற்றி.

இழிகாதல்

 #இழிகாதல்

பிரம்மம் என்றான் 

குமரி என்றான்

கற்றகல்வி மறந்தான்

மணமுடித்து கலவிகொண்டு 

தம்கடமை முடித்தவர் 

அதி காரம் கொண்டு  - தம்

வாரத்தைதனில் 

ஆன்மீக காதல் உரைத்திட

பதவி துறந்து 

உள்ளி மறந்து 

அறம் மறந்து

பெற்றவரை மறந்து

பெற்றவர்கள்

முதுமையின் இயலாமையில்

பசிதீர்க்க வழியற்று

கண்கலங்கி பரிதவிக்க

அவன் வெள்ளையணிந்து  

கொண்டான்  இழிகாதல்!

உணரார் உணரார்!

 பஞ்சம் வருது பஞ்சம் வருது

பார்த்தவரெல்லாம் பதறுகிறார்

ஆனால் ...

பார்த்த இடமெல்லாம் 

நடுகிறார் #புகையிலை

பார்த்திரார்  சிந்திக்கார்

பொறுப்பான பரிபாலகர்

தடையொன்று வந்தது

சரியென்று புரிகிறது - இன்று

பணம் முக்கியம் இவர்களுக்கும்

அவர்களுக்கும்...

அதைவிட பசி முக்கியம் 

அனைவருக்கும் - பணமும்

புற்றுநோய்தான்  விதியெனில் 

தடுப்பார் யார் உளர்.